العلبة دى فيها إيه ؟؟؟؟؟!!!!!!!!!

قهوة بلدي- حي شعبي- القاهرة "أو أي مدينة تانية.. براحتك يعني!"
عدد كبير من رواد المكان، يتطلعون باهتمام شديد إلى التليفزيون الضخم الموجود على حامل خشبي في ركن القهوة، يتابعون في شغف مراسم تكريم المنتخب المصري في الإمارات بعد فوزه ببطولة كأس الأمم الإفريقية، يسحب "حسونة" نفساً عميقاً من الشيشة، قبل أن يطلق تعليقه الذي سيكون أول الغيث:
"كح كح.. الحجر ده مكتوم كده ليه؟ وهو بالصلاة ع النبي كده اسمه إيه اللي إحنا بنشوفه ده؟"

ينظر إليه "أحمد" الشاب الجامعي الذي لايزال يضع علم مصر على كتفيه منذ مباراة النهائي:
"فيه إيه ياعم حسونة.. اللعيبة فازوا و"بيتأبجوا" بالدولار.. حقهم ولا مش حقهم؟"

يتدخل "أنور" عامل القهوة ليقول وهو يضع كوباً من الشاي أمام الأستاذ "سيد" الذي خرج على المعاش منذ أسبوع واحد فقط:
مش حقهم طبعاً.. هم كانوا بيلعبوا باسم مصر ولا باسم البحرين!

يتدخل الأستاذ "سيد" في الحوار:
هم في الإمارات بالمناسبة يا "أنور" مش في البحرين!.. وبعدين ياسيدي ما كلها دول عربية.. وكلنا بنتكلم لغة واحدة.. وكلنا بيجمعنا حلم وهم واحد.. فيها إيه يعني؟!

"حسونة":
لأ فيها وفيها طبعا يا أستاذ سيد -كح كح.. مش ممكن الحجر ده.. ده كأن فيه حد كاتم على نفسه!- اللي بيحصل ده اسمه في اللغة العربية "تسول" وبالبلدي كده عشان الواد "أنور" يفهم.. دي شحاتة.. لأ.. وشحاتة دولي كمان.. ده ياريتهم كانوا جم وقفوا جنب السيدة ولا الحسين وشافوا الناس كانت هتدلعهم إزاي.. ولا هي يعني كل حاجة فلوس فلوس.. ياراجل بلاش قلة قيمة.. ما تغير ياعم الحجر اللي عامل زي الجثة اللي مابتطلعش نفس ده!
العلبة دى فيها إيه ؟؟؟؟؟!!!!!!!!! Awel_02

العلبة دى فيها إيه ؟؟؟؟؟!!!!!!!!! Awel_02

الأستاذ "سيد":
ياجماعة انتم مكبرين الموضوع قوي.. دلوقت حاكم دبي ده راجل عربي بجد.. وبيحب العرب بجد.. طب ما هو قبل كده كرم منتخب العراق لما فاز ببطولة آسيا.. وبرضه أعطاهم مكافآت ولا حد اعترض ولا حد قال دي شحاتة.. يبقى إشمعنى يعني إحنا اللي دايماً نعمل فيها قصة والحكاية متستاهلش؟

"أحمد" يتكلم في حماس:
أنا متفق معاك يا أستاذ سيد.. وبعدين ما كلنا عرب في بعض.. مش كنا وقت الحرب بناخد منهم مساعدات.. طب إيه المشكلة بقى لو خدنا منهم مكافآت بتعبر عن حب وامتنان وقت الفرح.. ولا هو لازم يعني مانقفش جنب بعض إلا وقت الكوارث والحروب؟

"حسونة" يرد في انفعال:
حروب إيه يا بني؟ أصلك انت ما اشتغلتش في الخليج ولا شفت المعاملة الوحشة اللي بيعاملوها للمصريين هناك.. شوية الفلوس اللي معاهم مخلياهم متصورين إنهم يشتروا أي حد.. هتلاقيهم كده برضه وهم بيعطوا الفلوس للعيبة.. حتى شوف اللعيبة نفسها تحس عينيها مكسورة...

"أحمد" في انفعال مماثل:
مكسورة إيه ياعم حسونة.. هو أنت سافرت وأنت قاعد معانا هنا دبي وسألت اللعيبة.. عينكم مكسورة ولا لأ قالوا لك مكسورة ومحتاجين أمير نلزقها!.. ارحمونا بقى

"حسونة" وقد هب واقفاً:
ماتزعقش يابني.. أحسن والله انت عارف ممكن أعمل إيه؟!

"أحمد" وقد وقف بدوره:
تعمل إيه يعني؟

"صلوا ع النبي ياجماعة"... "اقعد بس ربنا يهديك".. "شيل إيدك من عيني طيب!".. "والله لابهدلك".. ".... ياسيد"... "سيد يا سيد"..... "............."................"!
***
العلبة دى فيها إيه ؟؟؟؟؟!!!!!!!!! Awel_03

العلبة دى فيها إيه ؟؟؟؟؟!!!!!!!!! Awel_03

سيبك من الخناقة اللي فوق دي "خلوا بالكم من التليفزيون طيب.. آي!"
وتعال نتكلم إحنا بالعقل

الموضوع مش محتاج شرح
فاز المنتخب بالبطولة فتم تكريمه في الإمارات..
ونال كل لاعب وعضو في الجهاز الفني والإداري وفي اتحاد الكرة "علبة" مغلقة..

قيل إن في كل واحدة
200 ألف دولار + قلم من الذهب+ ساعة من الماس

محدش متأكد من المحتوى عشان كده بنقول "قيل"
بس الأكيد يعني أن فيها فلوس وحاجات حلوة "لأ.. مش شيكولاتة طبعا!"

فهل ترى أن ده طبيعي؟

وإيه يعني؟.. كلنا عرب في عرب..
ومافيش مشاكل خالص..

بل بالعكس ياريت نكون كلنا يد واحدة
في الفرح والحزن وفي الفلوس كمان

العلبة دى فيها إيه ؟؟؟؟؟!!!!!!!!! Awel_04

العلبة دى فيها إيه ؟؟؟؟؟!!!!!!!!! Awel_04

ولا شايف إن اللي حصل ده عيب وما يصحش خالص

لأنه ما ينفعش لعيبة مصر ياخدوا فلوس ومكافآت
إلا من مصر بس؟

ولا عندك رأي تالت إحنا مانعرفهوش؟ :farao:

موضوع جميل جدا ً يازيزي تسلم ايدك

بس لسة مش عرفنا الخبر الأكيد عن العلبة

هيا العلبه فيها ايه ياتري

العلبة فيها اية لو عرفتم الاجابة اوعوا تتصلوا لان السؤال دة ليس لة اجابة قطعى