فضفضة

موضوع: فضفضة الإثنين نوفمبر 02, 2009 7:47 am

اعجبني هذا الموضوع فنقلته لكم لانه حقيقة يعبر تماما عما كان يجول بخاطري من تساؤلات
انا موضوعى انهاردة معاكم مننا ولينا وسامحونى لو كان كدة بالعامية

زى ما قولت العنوان انا عاوزة اتكلم وبصراحة وبراحتى ودة بيتطلب تلقائية واللى هيجى على بالى هقوله

ممكن طريقة التعبير تحس اننا كدة على المصطبة وبالبلدى كدة بس اعتقد انه هيكون من القلب عشان يوصل

انا فكرت وحسيت ان فية حاجات كتير عاوزة اتكلم فيها وعنها

حاجات بتحصل كل يوم وللاسف عاوزة مننا كرت احمر لا دى عاوزة نفيها خالص

هبداء معاكم انهاردة اول قعدة واستحملونى كل شوية هدخلكم اتكلم معاكم شوية

اول حاجة اللى مضيقانى اوى اننا كلنا ملايكة وما فيش حد فينا بيغلط

والل انا بعمله هو الصح بعينه

دة اللى مخلينا كلنا محلك سر ما حدش فينا شايف اخطائه ما حدش فينا حاسب نفسه قبل ما يحاسب الاخرين ونعلق المشانق

طيب وامتى هنشوف نفسنا فى مرايا واضحة امتى هيقعد كل واحد فينا كدة مع نفسه

ويعيد تقيمها وتهذيبها

اةةةةةة لو دة حصل اة ولو حصلنا انفصال مؤقت
وخرجنا من اطارنا وقاعدنا نحاكم نفسينا زى ما بنحاكم الاخرين تمام

وكل واحد فينا شاف اخطائه بعين الحق وعنفنا انفسنا واخدنا ميثاق الا نعود الى مثل هذا ابداا

اةةةةة لو كل واحد بداء بنفسه فى كل حاجة وقال اصلح اخطائى واقيم نفسى

واحاول اكون صح الى اقصى درجة وسبنا من شماعة اشمعنى انا ما فلان وعلان بيعمل

اةةةةةةةةةة لو كل واحد جعل من نفسه قاضى ونيابة ومتهم واصدر العقاب والتزم الاصلاح

كان حالنا اكيد بقا افضل كنا اتغيرنا واتغيرت كل الدنيا

دعوة ان نتصالح مع انفسنا ونقومها وكل واحد فينا يبداء بنفسه اكيد هتكون حملة لاصلاح من الجذور وهنعيد تغير كل سلوكياتنا

مش كدة ولا اييييييييييييييية؟

اللهم رضااااااااااااااك والجنة

موضوع: رد: فضفضة الإثنين نوفمبر 02, 2009 5:45 pm

موضوع جميل ممكن نسمية مثلاً وقفة مع النفس

نحاول نقيم أحوالنا وتصرفاتنا وهل هي صح أم خطأ

ونبدأ نغير تصرفاتنا للأحسن ونصلح من أخطائنا

موضوع جميل يامؤمنة زي كل موضيعك

وألف مبروك الترقية

موضوع: رد: فضفضة الثلاثاء نوفمبر 03, 2009 6:25 pm

السلام عليكم

اشكرك اختي ندى على مرورك الطيب

كما اشكرك على التهنئة لي

بالترقيةوانت تعرفين المسؤولية تكليف وليس تشريف

واتمنى من الله ان اكون قد المسؤولية

وانا احبك في الله