shalal
المـدير العـام
عدد الرسائل : 1497
العمر : 51
تاريخ التسجيل : 01/09/2007
 | | موضوع: أحدث نكـــته .............! الثلاثاء يناير 25, 2011 12:21 pm | |
|
مبارك : عارف يا ابليس ياخويا, انا عاوز اعمل في الشعب المصري
حركه تطلع من نافوخهم
أبليس : طب هات ودنك وخد الفكره دي .....وش وش وش وش
مبارك : لالا يا ابليس الفكره دي مش نافعه , عاوز حاجه أشد
أبليس : طب خد دي ...... وش وش وش وش
مبارك : لالا , برضه مش نافعه , ايه يا ابليس انت بقيت خرع كده ليه , هات بقه ودنك وانا اقولك انا نويت اعمل فيهم ايه
وش وش وش وش وش
ابليس : لا يا راجل حرام عليك
------------------------------
واحد اتحشر في زحمة المرور فلقى واحد بيخبطله على شباك السيارة
فتح الشباك و سأله عايز ايه
قاله : الرئيس حسنى مبارك خطفوه و الفدية 5$مليون دولار
و لو الفدية ماتدفعتش .. الخاطفين هددوا يدلقوا عليه بنزين و يولعوا فيه و احنا بنجمع تبرعات .. تحب تشارك ؟
الرجل سأل: " و في المتوسط الناس بتتبرع بكام"
الرجل الثاني : " من 5 الى 10 لتر بنزين
---------------------------
مره حسنى مبارك راح مدرسه ابتدائى فلما جت فتره الاسئله ولد رفع ايده
مبارك ساله اسمك ايه فقاله رامى فقاله ايه سؤالك يا رامى ؟
رامى : انا عندى اربع اساله
ليه انت رئيس بقالك 25 سنه ؟
لسه معينتش نائب ؟
ليه ولادك ماسكين كل حاجه فى البلد ؟
ليه مصر حالتها الاقتصاديه زفت و انت مبتعملش حاجه ؟
ساعتها بالظبط رن جرس الراحه وبعد الراحه رجع مبارك وقال احنا كنا فين بقى؟ مين عنده سؤال ؟
ولد صغير تانى رفع ايده فمبارك سأله اسمك ايه قاله تامر فقاله سؤالك ايه يا تامر ؟
تامر : انا عندى 6 اساله
ليه انت رئيس بقالك 25 سنه ؟
لسه معينتش نائب ؟
ليه ولادك ماسكين
كل حاجه فى البلد ؟
ليه مصر حالتها الاقتصاديه زفت و انت مبتعملش حاجه ؟
ليه جرس الراحه رن ربع ساعه بدرى ؟
فين رامى ؟؟؟؟؟؟
--------------------------------------
إخبرنى بصراحة يا نظيف ولا داعى للمجاملة أو النفاق .
نظيف : أمرك يا ريس
الريس : أنا الأفضل ولا عبدالناصر ؟
نظيف : انت طبعا يا ريس .. جمال مين اللى كان بيخاف من الروس !!
الريس : طيب أنا الأفضل ولا السادات ؟
نظيف : سادات مين ياريس اللى كان بيخاف من الأمريكان !!
الريس : طيب أنا الأفضل ولا عمر بن الخطاب ؟
نظيف : انت طبعا يا ريس .. عمر بن الخطاب كان بيخاف من ربنا
----------------------------------------
كان فى سرير المرض حينما أخذ يلقى بوصاياه الأخيرة لوزيره نظيف
- وصيتك الحكم من بعدى يا احمد ..
- فى رقبتى يا ريس .. كله تمام والسلطة هياخدها جمال ..
(ثم راح فى غيبوبة .. أفاق منها بعد قليل )
- وصيتك الشعب من بعدى يا احمد .
- ما تخافش يا ريس .. الشعب ياكل الزلط ...
(ثم راح فى غيبوبة .. أفاق منها بعد قليل )
- احمد
- نعم يا ريس؟
- ماتنساش .. توكيل الزلط لعلاء
-----------------------------------------
بيقولك مره شيخ اتمسك فى امن الدوله و سابوه فامن الدوله مراقبينه
اول يوم لقوه ماشى فى شارع الهرم راحوا مكلمين الريس و قالوله الشيخ تاب ياريس
تانى يوم لقوه فى كباريه قالوا الشيخ تاب و اناب ياريس
تالت يوم لقوه فى الاتوبيس بيسرق واحد قالوا الشيخ تاب و اناب و بقى من الحزب الوطنى ياريس
--------------------------------------
ذهب نظيف عندما كان نائبا الى نزهة فوجد تمثالا للجندي المجهول يققف ممسكاً ببندقيته فاقترب منه وأخذ يتأمله، فقال له
التمثال: لقد تعبت من الوقوف فأحضر لي حصاناً أركب عليه
فتعجب نظيف مما حدث ، وعندما عاد أخبر مبارك بما جرى، فلم يصدقه ، وطلب من نائبه أن يذهب سوياً للتحقق من الأمر
وعندما وصل نظيف ومبارك واقتربا من التمثال قال التمثال لنظيف: لقد طلبت منك حصاناً وليس حماراً
-------------------------------------
بيقولك جمال مبارك بعد الخطوبة ..أبوه حب
يضمنله مستقبله ..جابله عقد عمل فى السعودية
وشغلوه برضه ابن رئيس جمهورية بالساعة.
---------------------------------------
بيقولك فى عيد ميلاد حفيد حسنى مبارك ..كل وزير جابله هدية ..اللى جابله طيارة لعبة ..واللى جابله مسدس مية
حبييب العادلى جابله تلات عربيات أمن مركزى وأربع مخبرين لعبة.
--------------------------------------
اشتكى حسنى مبارك لحبيب العادلى إن "حمو النيل "ما بيخلهوش ينام
بعد تلات تيام اتصل بيه حبيب العادلى وقاله تمام يا فندم قبضنا على كل اللى اسمهم حمو وجارى ردم النيل سعادتك.
----------------------------------
سبب عدم غناء محمد ثروت فى الحفلات الوطنية إنه مرة غلط وغنى :الله أكبر فوق كيد المعتدى.
-------------------------------
حسنى مبارك ركب طياره هو وعيلته. طلع ورقه بمية جنيه من جيبه وقال انا حأرمى المية جنيه دى واللى حيأخدها حأسعده
سوزان قالت له طب ما تخليهم ورقتين بخمسين وتسعد إتنين
علاء قال طيب ماتخليهم خمس ورقات بعشرين وتسعد خمسه
جمال قال طيب ماتخليهم عشر ورقة بعشره جنيه وتسعد عشره
الطيار قال طيب ما ترمى نفسك وتسعد 75 مليون
-------------------------------
مرة واحد ركب تاكسي ولقي السواق معلق في العربية صور جمال عبد الناصر وانور السادات وحسني مبارك
الراجل استغرب سال السواق مين اللي انت معلق صورهم عندك
قالة دا جمال عبد الناصر الزعيم المصري الراحل
ودا انور السادات قائد حركة السلام والامن في البلد
ودا حسني مبارك أبو علاء شريكي في التاكسي
-------------------------------------
حسني مبارك بيخطب في الشعب فا كل شويه واحد يقوم ويقول عاش حسني مبارك موحد الاديان ويقعد
يروح حسني مكمل كلامه وشويه ويقوم الراجل ويقول عاش حسني مبارك موحد الاديان
فا اتمسك امن دوله وطااااااااخ ويقولوله ايه الي انت بتقوله دا ازاي موجد الاديان
دي مصر فيها مسيحين ويهود ومسلمين وطااااااخ
فردعاليهم يا باشا ماهوه الي مكفرنا كلنا
----------------------------------
فى عيد الأضحى طلب حسنى مبارك من حبيب العادلى عشر خرفان عشان ينقى منهم خروف يضحى بيه فى العيد
بعد تلات تيام جابله خروف متعور ومتبهدل خالص ..فقاله :إيه ده يا حبيب ..جايبلى خروف حالته بالبلا
فقاله :ده اللى فضل صاحى بعد التحقيقات يا فندم
قاله :طب وباقى الخرفان
فرد حبيب :طلعوا إخوان مسلمين يا فندم
---------------------
مبارك ماشي في الصحرا شاف تمثال
قال لحبيب العادلي شوفلي التمثال ده بتاع مين يا حبيب
ربع ساعة رجعله حبيب العادلي و قاله : ده رمسيس التاني يا فندم
مبارك قاله : عرفت منين
العادلي رد : اعترف يا فندم
---------------------------
بيقولك واحد تانى لقى الفانوس السحرى ده دعكه طلعله العفريت وقاله:شبيك لبيك تطلب أيه؟
قاله الراجل: أنا عايز كوبرى بين القاهره وأسوان
العفريت قاله: دى صعبه قوى نقى حاجه تانيه
الراجل قاله:خلاص خلى حسنى مبارك يسيب الحكم
العفريت قاله:أنت عايز الكوبرى رايح جاى ولا رايح بس
-----------
· واحد راح يشترى سمك
قال لبتاع السمك
عايز اتنين كيلو بكام
رد بتاع السمك وقاله 80 جنيه
الراجل اتصدم وقال الله يخرب بيتك يا محسن
بليل
امن الدولة خد الراجل من حضن ولادة
والصبح بيتعرض على وكيل النيابة
فبيسال الضابط
الراجل ده تهمته ايه
قال
ميعرفش اسم رئيس الجمهورية كويس
--------------------------
مره واحد مصرى راح يصطاد قعد لحد مجاب سمكه كبيره واخدها وراح البيت فرحان اوى وقال لمراته اقليها
قالت له منين الزيت غلى خالص ومعنديش قالها طب اشويها قلهه منين الدقيق بقه نار
فالراجل اتغاظ وقام اخد السمكه وراح رماها فى البحر تانى طلعت السمكه قاعده تجرى وتقول تحيا جمهورية مصر العربيه
------------------------------
مرة كمال الجنزورى جه للريس بعد ما شاله من الوزارة
فقاله:ياريس ممكن تقولى شلتنى ليه؟؟
رد الريس وقاله: ياكمال ياحبيبى التغيير سنة الحياة..
قاله طب شلت وزير المواصلات ليه؟؟
قاله :ياكمال ياحبيبى أنا قلت لك ان التغيير سنة الحياة..
قاله طب ممكن أسأل سؤال ياريس..
قاله :إسأل.
قاله:ليه أنت الوحيد اللى مش بتتغير..
رد الريس وقاله: لأن تغييركم أنتوا سنة إنما وجودى أنا فرض
---------------------------
مره واحد لقى فانوس فقعد يدعك فيه طلع العفريت سرق التلاجه ودخل
فدعكه تانى طلع سرق التلفزيون ودخل
فدعكه تالت طلع سرق البوتجاز ودخل
فدعكه رابع اول ماطلع مسكه
قاله تعالا هنا كان زمان الواحد يدعك الفانوس يقوله شبيك لبيك انت بتطلع تسرقنى
قله يا حبيبى التانى فانوس علاء الدين لكن ده فانوس علاء مبارك
---------------------
مبارك كان في زياره لدوله عربيه وواقف مع رئيسها في بلكونه قصره
فمبارك بيقوله( انت بتجيب الفلوس اللي عندك دي كلها منين )
قاله بص شايف الكوبري اللي هناك ده
مبارك (اه)
قاله اتكلف 100مليون وقلت انه اتكلف مليار وهاكذا
بعدها بسنه الرئيس ده جه مصر
وهو واقف مع مبارك في بلكونه قصره ساله يا مبارك بتجيب فلوسك منين
مبارك (شايف الكوبري اللي هناك ده)
قاله مفيش كوبري اساسا
مبارك اهو ده بقي اتكلف 2 مليار
---------------------
بيقولك حسنى ونظيف اتنكروا ونزلوا الشارع
ركبوا تاكسى فحسنى سئل السواق اية رأيك فى جمال عبد الناصر والسادات وحسنى مبارك ونظيف؟
قاله: الاول صعب
الثانى بتاع انفتاح
التالت ابن كلب
الرابع ابن جزمه
قام حسنى اتغاظ وراح قالع القناع
السواق راح ماسك الفيتيس وقال
والخامس ما بينقلش و بيعلق ومافيش سادس اصلا
------------------------------------
واحد شغال فى فرز اللجان الإنتخابية...فواحد صاحبه بيسأله : بقى معقول انتوا بتقعدوا تفرزوا الأصوات دى كلها؟
قال له : ولا بنفرز ولا حاجة...التعليمات واضحة وصريحة...احنا نرمى الورقة بتاعة الناخب فى الهوا...
ولو نزلت على وشها أو ضهرها يبقى وطنى...ولو على سنها يبقى معارض
---------------------
بيقولك حسني كان عاوز يغيـر دولارات و مش لاقي في السوق , فراح منادي نظيف:
مفيش دولارات في السوق ليه يا انت نظفت السوق ؟ -
نظيف :الحج و العمرة ياباشا خلصوا على الاحتياطي -
بقولك ايه ..حج ابه وبتاع ايه .. من السنة الجاية الحج يبقى في مصر -
نظيف:يا باشا .. ازاي بس -
اتصرف -
بعد يومين رجع نظيف و قاله : كله تمام يا باشا خلاص الحج حيبقى عندنا
الريس: طب و الكعبة حتعمل فيها ايه ؟ -
حنعملها في ميدان الحجاز - مصر الجديدة و يبقوا يلفوا حواليها -
الريس: طب و السعي ؟ -
ياباشا يبقوا يجروا في طريق صلاح سالم لغاية المطار و يرجعوا -
الريس: و عرفه ؟ -
يطلعوا المقطم ياباشا -
الريس: طب و رجم إبليس يا فالح ؟ -
إتعب معانا شوية بقى يا ريس
----------
في جلسة ودية بين الرئيس المصري حسني مبارك والرئيس الأمريكى باراك أوباما، دار الحوار التالى:
مبارك: فخامة الرئيس ... كم متوسط راتب الموظف الأمريكى في الشهر؟
أوباما: حوالى 5,000 دولار.
مبارك: وكم يصرف شهريا؟
أوباما: حوالى 2,800 دولار.
مبارك: يعنى يبقى معاه 2,200 دولار، ويا ترى بيعمل بالمبلغ الباقي ده ايه؟
أوباما: فى الحقيقة لأننا دولة ديمقراطية، احنا ما بنسألوش.
أوباما: وانتم يا فخامة الرئيس... كام متوسط راتب الموظف عندكم؟
مبارك: حوالى 200 دولار.
أوباما: أووو!!! ... وبيصرف كام؟
مبارك: حوالى 1,000 دولار..
أوباما: ومنين بيجيب الفرق الكبير ده؟؟؟!!!!
مبارك: فى الحقيقة لأننا دولة ديمقراطية زيكم بالضبط، احنا كمان ما بنسألوش!!!
| |
|
تسجيل دخول الأعضاء