مشكلتي في صديقاتي

بسم الله الرحمن الرحيم

السلام عليكم ورحمة الله وبركاته

مشكلتي في صديقاتي

كل كلامهم عن الحب والكلام عن فلانة بتحب فلان وفلان بيحب فلانة

ولما أقولهم ياجماعة بلاش نجيب سيرة حد كدة حرام وغيبة ونميمة

يردو عليا ويقولو أنت ها تعملي فيها شيخة

وغصب عني بسمع كلام عن اسرار الناس وخصوصياتهم

طيب أقاطع زمايلي وأعيش معزوله عنهم ولا أقعد معاهم وأسمع كلامهم

مش عارفه أتصرف ازاي ياريت تقولو لو انتم مكاني ها تتصرفو ازاي

في حفظ الله

اولا وقبل اي حاجه انتي نورتي في شلال فضفضه
وشوفي يا ستي
طالما زميلاتك سلوكهم مش عجبك ولما بتحاولي تصلحيه بيقول انتي شيخه
فنتي ع قدر المستطاع مش تعدي معاهم
ومش تقاطعيهم لا حاجه بس مش تشتركي معاهم في الكلام ده
وكمان مش تكوني معزوله ابدااااااااا
اكيد هتلاقي بنات زيك كتير في حالهم ومش بيحبوا يجيبوا في سيره حد
وتكوني معاهم صداقه وكل حاجه
عشان اوحش حاجه في البنات اللي بينموا او بيغتابوا هو انهم مش بيقبوا ع حد يعني في غيابك انتي كمان عنهم ممكن يجيبوا في سيرتك
واحسن حاجه قله الكلام
من كثر كلامه كثرت خطاياه
وده رائي ويارب اكون عرفت افيدك واسفه ان كنت طولت عليكي

أهلا ً وسهلا ً بك أخت ندا

بصراحة كل ما ذكرتي نموزج يتكرر ولكن أحييك علي

استقلالك وأن تتمسكي بمبدأك وأنك علي صواب والباقي علي خطأ

حتي وإن كانو هم الأغلبية واعلمي أنهم من داخلهم يحسدوك علي قوة ايمانك

وأشكر مشرفتنا القديرة ســـما علي ردها الواضح ونصائحها الجميله

وأنا معها في كل ما قالت

في رعاية الله